Apicultor e nena xuntos nun colmenar galego

MEL O ABELLEIRO

Nacido entre montes e bosques do noroeste, coidado pola nosa familia de principio a fin.

Descubre os nosos meles Déixame contarche a nosa historia

O NOSO ENTORNO

Entre bosques e montes, sen présa

As nosas colmeas viven entre pedra, fento e árbore vella, repartidas en distintos asentamentos entre bosques e montes. Pero sempre traballando cunha premisa: respectar o ritmo das abellas e do monte que as alimenta.

País de orixe: España.

Paisaxe ilustrada con montes, fraga e colmeas

Colmenar real entre eucaliptos nos montes de Lugo

Os nosos colmeares

Colmeas entre castiñeiros, silvas, eucaliptos e carballos

Cada asentamento escóllese polo que floreza ao seu redor. As colmeas quedan a resgardo do vento, ao sol da mañá, coa fraga como despensa.

Panorámica das colmeas O Abelleiro baixo os castiñeiros

Ilustración dun colmenar entre carballos e eucaliptos

O oficio e o coidado

Traballo real, colmea a colmea

Revisar, afumar con calma, erguer cadros, entender a familia que vive dentro. O oficio non se apura: acompáñase.

Por iso, a nosa familia e os nosos fillos nos acompañan desde pequenos mentres traballamos, aprendendo a observar, a coidar, a entender e a respectar este marabilloso mundo que é a apicultura.

Apicultores traballando na fila de colmeas baixo as árbores

Colmeas O Abelleiro no eucaliptal, cos montes ao fondo

Da colmea ao bote

01
O monte
Escollemos os asentamentos entre eucalipto, castiñeiro, carballo e silva.
02
As abellas
Coidado e revisión colmea a colmea ao longo do ano.
03
A colleita
Retirada dos cadros no seu punto, sen forzar a colmea.
04
O bote
Extracción en frío e envasado artesanal en botes de 1 kg.

O MEL E AS ABELLAS

Moito máis que mel

As abellas forman parte dun equilibrio moito maior. Ao ir de flor en flor, polinizan plantas e árbores e contribúen a manter a diversidade e a vida dos nosos montes. O seu traballo silencioso vai moito máis alá da colmea.

Nós coidamos as colmeas; elas fan o resto. Durante meses percorren o monte, traballan cada floración e enchen pouco a pouco os panais. Cando o mel está listo, séllano. Ese é o momento de recollelo.

E dese traballo nace un alimento que leva acompañando ás familias desde hai xeracións: o mel. Un produto sinxelo e natural que termina na nosa mesa despois dun percorrido que comezou moito antes, entre flores, abellas e monte.